Sədrlik estafetini gənclərə ötürməyin vaxtı çoxdan çatıb -Şirin Cəfəri

Şrift : |
Tarix :2-10-2019, 22:01
Bölmə : Cəmiyyət
Kömək :    
Like :
Like :

    Klassik cəbhəçilərin partiyadaxili məsələlərinə kənardan xüsusi yazı ilə müdaxiləni görüb, buna fikir bildirdim. Bəzi partiyadaşlarım da bununla bağlı fikir ortaya qoydular. Elə oldu ki, buna təhqiramiz münasibətlərlə də rastlaşdıq. Təmsil olunduğum Klassik Xalq Cəbhəsi Partiyasının üzvləri tərəfindən, təşkilatımıza yaraşmayan belə ifadələrə görə, mən, olduqca çox təəccübləndim. Elə, buna görə də, təkrar həmin mövzuya qayıtmağı lazım bildim.

    Öncə, onu bildirmək istəyirəm ki, indi KXCP sədrliyinə namizədliyini elan edən Oqtay Gülalıyev, Elçi Bəy hakimiyyətinə qarşı 1993-cü il Gəncə qiyamından sonra, dərhal Bakıya gələrək, AXCP-nin ağır günlərində, partiyanın ümumi şöbəsində könüllü iş fəaliyyətinə başlayıb. Məhz bu əqidəsinə, cəbhəçi adını şərəflə qoruduğuna, haqq yolunda can qoyduğuna görə, o, Əbülfəz Elçibəyin dərin etimadını qazanıb. Məhz bu xüsusiyyətlərinə görə də, Oqtay bəy, AXCP-nin gənclər komitəsinin sədri təyin olunub. Ona həvalə olunan bu məsul vəzifəni şərəflə icra etdiyindən, Elçi Bəy, çox keçmədən, yenidən böyük etimad göstərərək, ona BAB-ın gənclər təşkilatının sədr vəzifəsini də həvalə edib. Bu vəzifələri kimi, Oqtay bəy, partiya tərəfindən ona həvalə edilən siyasi tapşırıqların öhdəsindən də layiqincə gəlib. Məsələn, o vaxtlar, mərhum prezident Heydər Əliyev tərəfindən ANS televiziya kanalına debata gələn onun Rauf Hüseynov adlı tərcüməçisini, Əbülfəz Elçibəy tərəfindən çıxış edən Oqtay Gülalıyev, faktiki olaraq, məyus etdi. Qarşısındakı siyasi rəqiblə debatdan tam qalib çıxan Oqtay Gülalıyev, bir daha, siyasi rəhbərinin etimadını layiqincə doğruldanlardan biri olduğunu sübut etdi. Onu da qeyd etməyi vacib bilirəm ki, onda məğlubiyyətlə razılaşmayan Heydər Əliyev dərhal həmin tərcüməçisini tutduğu vəzifəsindən kənarlaşdırmışdı. Bunları xatırlatmaqda məqsədim budur ki, belə bir siyasət adamı partiya adından niyə "daş-qalaq edilməlidir"?! Nədən, Oqtay bəyin mükəmməl siyasi bacarığından yararlanmaq üçün, ona, bu post layiq görülməsin?! Biz, nədən, ''yuyulmamış çömçə'' kimi ortalığa atılan, öz sahəsində imzasını belə qoya bilməyən birisinin ünvanımıza tuşlanan yazısına haqq qazandırmalıyıq?!

    Əlbəttə, Elçi Bəyə xəyanətlə, Azərbaycana daha dəhşətli xəyanət zərbəsi vurmuş nemətlərin, rəhimlərin, ixtiyarların... yanlarında oturan, belə arzuolunmazların ixtiyarında olub, onların diqtəsi ilə oturub, duran birisinin Elçi Bəy təşkilatına, hər hansı bir yazısı ilə, müdaxilə etməyə mənəvi haqqı çatmır. Əgər, biz, Mirmahmud Mirəlioğluna hörmət ediriksə, onu özümüzə lider olaraq qəbul etməli, eyni zamanda KXCP-də təmsil olunan yaşlı əqidədaşlarımıza böyük hörmət bəsləməliyik. Sözsüz, onların bu günədək şərəf və qürur dolu siyasi mübarizə yolu keçdiklərini də, qeyd-şərtsiz qəbul etməliyik.

    Dünyanın düzəni dəyişdiyi kimi, artıq, Azərbaycanda siyasi proseslərin yönü də dəyişir. Bəs, nədən, partiyamızda bu yöndən olan inkişafa doğru dəyişikliyə nail olmayaq?! Bu məqsədə çatmaq üçün, yetər ki, gəncliyə yol açaq. Partiyanın hazırkı sədri Mirmahmud Mirəlioğlunun özü də, sonuncu qurultayımızda xüsusi qeyd etmişdi ki, növbəti dəfə sədrlik estafetini gənclərə ötürmək lazım və vacibdir. Bəy, onda, onu da vurğulamışdı ki, bu, onun sonuncu sədr seçimidir. Hətta, oradaca, partiya sədrliyinə namizədimizi hazırlamağı da məsləhət görmüşdü. Əlbəttə, biz partiyamıza yeni sədrimizi seçib, Mirmahmud bəyi də fəxri lider kürsüsünə qaldırmalıyıq ki, gələcəkdə onun məsləhətlərindən yararlanıb, faydalana bilək.

    Bu gün KXCP sədirliyinə cəmi iki nəfər namizədliyini irəli sürüb. Onlardan biri Oqtay Gülalıyev, digəri isə, Nisəxanım bəydir. Burada Əbülfəz Elçi Bəyin məhşur kəlamı yada düşür: ''Cəbhəçilərin hərəsi bir təşkilatdır!''. Mən də deyirəm ki, KXCP-nin hər bir üzvü sədrliyə layiqdir. Amma Oqtay Gülalıyevin keçmişinə və bu gününə diqqət yetirsək, görərik ki, o, daha çox bu mühüm posta layiqdir -- heç vaxt əqidəsindən dönməyən, tutduğu yoldan çəkinməyən bir siyasət adamı olaraq!

    Bəzi söz-söhbətlərə görə, müəyyən səbəblərdən partiyamızdan gedənlərin əksəriyyəti, dəyişiklik olduğu halda geri qayıtmaq fikirində olduqlarını bildiriblər. Əgər, demokratik qaydada sədr dəyişikliyi olarsa, bu, partiyamızın daha da genişlənməsinə xidmət edər. Onda, nədən, belə olmasın?!

    Əldə etdiyim məlumatlara görə, Ali Məclisin sonuncu sessiyasından az sonra, 10 nəfər məclis üzvü və ayrı-ayrı vaxtlarda rayon şöbə sədrləri Oqtay Gülalıyevlə çay süfrəsi arxasında görüşüb, partiyanın durumu haqda müzakirələr aparıblar. Əgər, belə bir görüş olubsa, bunu, təqdirəlayiq hal hesab etmək lazımdır. Məncə, hər kəsin fikrini belə bir xoşluqda, təhqirə yol vermədən, normal şəkildə bildirməsi, partiyamızın xoş gələcəyi üçün, daha vacibdir.

    Şirin Cəfəri,
    KXCP Ali Məclisinin üzvü.


Xəbər lenti

İlham Əliyev yollarının tikintisi və yenidən qurulması üçün 4,9 milyon manat vəsait ayırdı -SƏRƏNCAM

Zakir Fərəcovun Fəzail Hüseynova bu boyda etimadının arxasında nə dayanır?

Cavid Şirəliyev hakimiyyətə çağırış etdi -BƏYANAT

Məhbub Zülfüqarlı Prezident İlham Əliyevə müraciət etdi

“Qanlı təxribata görə bütün məsuliyyət Ermənistanın üzərinə düşür” -Leyla Abdullayeva

Prezident Xalq rəssamını təltif etdi -SƏRƏNCAM

Seymur Həzi 16 fevral mitinqilə bağlı polisə çağırılıb

“Sərhədsiz Reportyorlar” seçki günü jurnalistlərə ən azı səkkiz hücum faktını qeydə alıb -BƏYANAT

MSK Hadı Rəcəblini və Hüseynbala Mirələmovu mandatdan məhrum etdi -QƏRAR

Arlem Dezir jurnalistlərlə bağlı hakimiyyətə çağırış etdi

Azərbaycan hökuməti hər iki fəala 72 min avro ödəməlidir

7GUN.az tezliklə yeni "Sual ver" layihəsinə başlayır -AÇIQLAMA

"24 saylı Birləşmiş Şəhər Xəstəxanasında tibbi xidmət normaldır" -Baş həkim Azər Məmmədov

"Vətəndaşların seçki hüquqlarının kobud şəkildə pozulması halları aşkar edilməyib" -Rusiya XİN

“Əsas vəzifəmiz yüksək professional musiqiçi kadrları yetişdirməkdir” - Əməkdar müəllim, pedaqoji elmlər namizədi, professor Nərminə Quliyeva

AzTU-nun nümayəndə heyəti Türkiyəyə səfər edib

"Bu seçkilər mətbuat və sərbəst toplaşmaq azadlıqlarının məhdudlaşdırılması ilə əlamətdar oldu" -ABŞ səfirliyi

Seçkilərdə rəqabət mühiti olmayıb -ATƏT DTİHB, ATƏT PA və AŞPA müşahidəçiləri

Namizədin ələ alınmasına cəhdlə bağlı beynəlxalq missiyaları məlumatlandırıb

"Oqtay Gülalıyevi artıq ayaq üstə qaldırırlar" -Firuzə Gülalıyeva

Günel Səfərova: "Açıq şəkildə bildirilir ki, YAP-ın namizədi olan yerdə heç kəs deputat seçilə bilməz"

"Görüşə əmr qaydasında büdcə qurumlarının və digər dövlət müəssisələrinin işçilərini yığıblar" -Elçin Həsənzadə

Daha bir deputatlığa namizəd polisə çağırıldı

Manaf Ağayev niyə məntiqsiz və yalan danışır?

"Sabah 11-in yarısı polis rəisinin qəbuluna dəvət ediblər" -Yadigar Sadıqlı

Təqvim

«    Fevral 2020    »
BeÇaÇCaCŞB
 12
3456789
10111213141516
17181920212223
242526272829 

Bizi izləyin

Təsisçi və baş redaktor: Cavid Şirəliyev
Tel/Whatsapp: (+99450) 300-17-96 | (012) 555-65-95
E-mail: 7gun@mail.ru
Ünvan: Bakı şəhəri, Nəsimi rayonu, A.Məhərrəmov küçəsi 30/14
© 2011. Bütün hüquqları qorunur. Məlumatlardan istifadə etdikdə istinad vacibdir.
Məlumat internet səhifələrində istifadə edildikdə müvafiq keçidin qoyulması mütləqdir!
Mobil versiya