"Oğul, mənim baş daşımı Kəlbəcərdən alarsan..."

Şrift : |
Tarix :3-12-2018, 03:24
Bölmə : Gündəm
Kömək :    
Baxılıb : 611 dəfə
Like :
Like :

    Elşən Əlisoy

    “Separatçı erməni rejimi Azərbaycanın 26-cı ildir ki, işğal altında qalan Kəlbəcər rayonunun “Drmbon” adlanmış Heyvalı kəndində yeni daş emalı zavodu açıb”.

    Saytlara baxarkən rastıma çıxan bu xəbər bir anlıq məni uzaqlara apardı. Bəbəkin kəsilən qolları, Nəsiminin soyulan dərisi, Cavad xanın qalanın divarı üzərində qalan qanlı vücudu gəldi gözümün qarşısına. Bir zaman gələcək, son nəfəsimizdə övladlarımıza : "Oğul, mənim baş daşımı Kəlbəcərdən alarsan" - deyəcəyimizi düşündüm. Gözümdən axan yaş ayıltı məni. Kimsə gəlib məni belə görməsin deyə, sildim gözümün yaşını. Ancaq həyatımıza yazılan bu məzlum qara yazını silməyi bacaracağıqmı...?

    Rasim Balayevi çöx qınadığımız günlərdə onun belə bir sözü oldu: "Mən qəhrəman deyiləm axı, qəhrəmanları oynamışam". Bəlkə də biz də heç Babəkin, Nəsiminin, Cavad xanın nəsli deyilik, sadəcə zaman-zaman bu adlardan istifadə etmək üçün rol oynamışıq.

    Biz Bakıda olan "Şuşa" restoranında qol götürüb oynayanda, içki badəsini əlimizə alıb Qarabağa şer deyəndə ermənilər Cıdır düzündə "Qarabağın azadlığı"nı qeyd edirlər. Biz Laçın adını açdığımız kafelərdə fahişəxanaya çevirəndə, ermənilər Laçında məktəblər tikib, evlər salırlar. Biz Kəlbəcəri içki məclisində oxuduğumuz mənasız şerlərlə yada salanda ermənilər Kəlbəcərdə bizə baş daşı düzəldirlər. Hara gedir axırımız?

    Bir dəfə belə bir düşüncəsizlik etdim. "Youtub" kanalında Kəlbəcərli əsirlərin görüntüsü olan videonu, bəlkə evdə kimisə tanıyarlar deyə anama göstərdim. Bayatı deyən yaşlı ananın halına dözə bilmədi anam. Ürəyi getdi. Bəlkə də ölümdən qayıtdı. Kəlbəcərdəki anamın halına dözə bilmədi qəriblikdəki anam. Mənsə o videoya sona qədər baxmışdım. Qınadım özümü, xəcalət çəkdim videoya baxa bildiyim üçün.

    Düşünürəm, bir ana söyüşünə görə adam öldürüb 10 il türmədə yatmağı bacaran Azərbaycan kişisi ana dediyi vətəni üçün öldürməyi, ölməyi niyə bacarmır. Kəlbəcərdə erməni gədəsinin ayağına sarılıb xilas uman ana bəyəm bizim üçün yaddır...? Axı nədən biz taleymizə, namusumuza biganə qalan belə bir aşağılığa çevrildik? Başa düşmürük bəyəm, Kəlbəcərdə bayatı deyən çarəsiz ananın baytası vətənin bizə qarğışıdır?
    anaaass.jpg

    Günü –gündən uzaqlaşır bizdən Kəlbəcər!
    "Oğul, mənim baş daşımı Kəlbəcərdən alarsan..."





















    Həsrət qaldığımız bulaqlarımızda kef edən, Tərtər çayının sərin sularında çimib şəkillər yayaraq poz verən ermənilər hər gün aşağılayır bizi. Biz isə işğal altında olan məsçiddə deputatımızın etdiyi “dua”nın şəkillərini paylaşırıq. Allah o duanı qəbul etməz! Vətənini, elini-obasını, qızını-gəlinini, yaşlı anasını və Allahın evini düşmənə verib qaçanların duası Allahın nəyinə gərəkdir? Allahın nəzərindən uzaq olanların duası Allah yanında keçməz!

    Bəlkə də öyrəşmişik, məzarlarımıza bir ovuc vətən torpağı tökməyə. Vətəni yadlara verib bir qarış torpaqdan təsəlli almaq bizi pis öyrədib.

    Nəisə, deyiləsi, yazılası, bəlkə də fəryad edimləsi o qədər işlərimiz var ki, hansında vətəndaş ola bilirik ki...

    Oğul düşmən çəpəridir, deyib, oğluna “neqodnu” blet alıb vətənə yararsız hala gətirənlərin məmləkəti bu olmalıdır də - deyə düşünürəm.

    Bir şeyi bilirəm ki, düşmən ayağına qapanan ananın ahı tutacaq bizi. Bəlkə də tutb da ...!


Xəbər lenti

Oktay Gülalıyev Yalçın İmanovu təbrik etdi

“Nəzrə almağınızı xahiş edirik”

Baş Prokurorluq Polad Aslanovun şikayətini araşdırır

Oktay Gülalıyev: "Bu “mübarizə” bumeranq təsiri yaradır…"

Beyləqanda Suvarma Sistemləri İdarəsi özəl mülkə çevrilib? – Ölü canlar, satılan qoyunlar, daha nələr…

Ombudsman aparatının nümayəndələri təcridxanada aclıq edən jurnalistlə görüşüb- AÇIQLAMA

Knut OlavAmos: “Regionda mətbuat azadlığı sahəsində vəziyyət o qədər acınacaqlıdır ki...”

Məhkəmə zalında olan Penitensiar Xidmətin əməkdaşları gözyaşardıcı qazdan istifadə etdilər -VİDEO

7 kəndin 70 dərdi: UÇMUŞ KÖRPÜ, ƏLDƏN ÇIXMIŞ TORPAQ VƏ EVLƏRƏ SOXULAN İLANLAR

Masallı Regional Meşə Təsərrüfatında Şahin Cəfərov Abturab Bağırov qanunsuluqları -(FOTOLAR)

Etirazlar zamanı bir çox jurnalistlər yaralanıblar -Gürcüstanda

Reportyor dövlətə xəyanət ittihamı ilə ömürlük həbs edilə bilər -Sərhədsiz Reportyorlar

Keçid dövründə Güc və Hakimiyyət

Cavid Şirəliyev Mətbuat Şurasına cavab verdi

Hakimiyyətin yüksək eşelonunda son dəyişikliklərin arxasında nə durur?

Cavid Şirəliyev: "Araşdırmaçı və tənqidçi jurnalistlərin bir çoxu ölkədən didərgin salınmışlar"

İlham Əliyev Vladislav Kanevskinin etimadnaməsini qəbul edib

Saatlı Rayon İcra Hakimiyyətinin başçısı vəzifəsindən azad edilib

Rəfael Mehralıyev kimdir?

Xəzər rayonunda 3 nəfər bıçaqlandı

Azərbaycanın Xarici Işlər Naziri Fransa prezidentinin müşaviri ilə görüşüb

Siyasi mühacirlər Azərbaycanda onların qohumlarına təzyiqlərin olduğunu bildirirlər Cəmiyyət

Qiyas İbrahimov ölkədən çıxarkən saxlanılıb

Təqvim

«    Avqust 2019    »
BeÇaÇCaCŞB
 1234
567891011
12131415161718
19202122232425
262728293031 

Bizi izləyin

Təsisçi və baş direktor: Cavid Şirəliyev
Baş redaktor: Vidadi Sultan
Tel/Whatsapp: (+99450) 300-17-96
E-mail: 7gun@mail.ru
Ünvan: Bakı şəhəri, Nəsimi rayonu, A.Məhərrəmov küçəsi 30/14
© 2011. Bütün hüquqları qorunur. Məlumatlardan istifadə etdikdə istinad vacibdir.
Məlumat internet səhifələrində istifadə edildikdə müvafiq keçidin qoyulması mütləqdir!