Əxlaqsızlıq yuvaları ictimai təhlükə mənbəyidir

Şrift : |
Tarix :12-02-2019, 01:48
Bölmə : Gündəm / Video
Kömək :    
Baxılıb : 989 dəfə
Like :
Like :

    Milli-mənəvi dəyərlərimizlə bir araya sığmayan, bir çox ailələrin dağılmasına səbəb olan, infeksion xəstəliklərin yayılmasının əsas mənbəyi sayılan əxlaqsızlıq yuvalarının artması ciddi sosial problem olaraq cəmiyyəti təhdid edir. Cəmiyyətdə nə baş vermişdir ki, bu sosial problem bizi təşvişdə saxlayır?

    Təxminən 15-20 ildir ki, televiziya ekranlarında yüngül həyat tərzini təbliğ edən layihələrin önə çıxması yeniyetmələrin və gənclərin, əhalinin orta yaşlı təbəqəsinin həyat tərzinə və psixologiyasına ağır zərbə vurmuşdur. Müqayisə üçün bildirək ki, özəl televiziyalarda yayımlanan verlişlərin 90 faizindən çoxu şoubiznes və reklamlara sərf olunur. Əhalini maarifləndirən, tariximizi, milli məişətimizi təbliğ edən layihələrə cüzi yer ayrılır.

    Eyni zamanda cəmiyyətin böyük çoxluğunun yoxsulluq həddində yaşaması, gənclərin maddi ehtiyaclarını təmin etmək istəkləri, mövcud iqtidarın cəmiyyətin sosial problemlərinə biganə yanaşması və iqtisadi bərabərsizlik əxlaqsızlıq yuvalarına üz tutanların sayını artırmışdır. Gündəlik yaşamaq ehtiyaclarını təmin etmək istəyən əxlaqsızlıq yuvaları deyilən bataqlığa sürüklənən qız və gəlinlərin taleyi bu sosial bəladan külli miqdarda qazanc götürənlər üçün əhəmiyyətsizdir. Bəzi məlumatlara görə əxlaqsızlıq yuvalarında narkotik vasitələrdən geniş istifadə olunur. Bir çox hallarda xarici ölkələrdən gizli yollarla gətirilən narkotik tərkibli psixotrop vasitələrin əxlaqsızlıq yuvalarında açıq-aşkar satışa çıxarıldığı bildirilir.

    Əxlaqsızlıq yuvalarında yüzlərlə insan bir çox infeksion xəstəliklərə, xüsusilə, Qazanılmış İmmun Çatışmazlığı Sindiromu ( #QiÇS ) xəstəliyinə yoluxurlar. Həmin xəstəliklərin daşıyıcıları həm də cinsi yollarla qazandıqları sindiromun cəmiyyət arasında yayılmasının əsas mənbələridir. Ölkədə göstərdiyimiz sindiromlarla bağlı xəstəliklər sürətlə yayılır. Bu onu göstərir ki, səhiyyə orqanlarının hazırladığı statistik məlumatlar reallıqla uzlaşmır.

    Bir müddət öncə Birləşmiş Ərəb Əmirliklərinin mətbuatında Azərbaycana turist səfərləri edən ərəb mənşəli vətəndaşların kütləvi surətdə QİÇS xəstəliyinə tutulmaları barədə dərc edilən məlumatlar bizim cəmiyyətdə yaşanan reallığın təzahürüdür.

    İctimaiyyətdən alınan məlumatlara görə Bakı şəhərinin Binəqədi rayonunda "İstanbul", "Clear", "Grand", Xətai rayonunda "Dalğa", Abşeron rayonunun Masazır qəsəbəsində "Ağ otel", "Romi", "Göyçə", "Qəbələ-Laza", Mehdiabad qəsəbəsibdə "Baxçasaray", Sabunçu rayonunun Kürdəxanı qəsəbəsində "Armada" və digər otel-mehmanxanalarda əxlaqsızlıq yuvaları davamlı olaraq fəaliyyət göstərir. Həmin otel-mehmanxanaların sahibləri yerli icra hakimiyyəti və hüquq mühafizə orqanlarının rəhbərlərinə aylıq haqq verirlər. Buna görə də bu tipli otel-mehmanxanalarda qanunazidd, cəmiyyətə yabançı olan, milli şərəf və ləyaqətə ləkə gətirən əxlaqsızlıq yuvaları mövcuddur.

    Eyni zamanda qeyd etməliyik ki, bu tipli otel-mehmanxanaların fəaliyyətinin arxasında yüksək vəzifəli dövlət məmurları dayanır. İctimai təhlükə mənbəyi kimi Bakı şəhərində fəaliyyət göstərən əxlaqsızlıq yuvalarının otel-mehmanxanalardan yığışdırılmasına hüquq mühafizə orqanlarının rəhbərləri niyə göz yumur? Yerli icra hakimiyyəti və hüquq mühafizə orqanları niyə satın alınır? Ölkə rəhbərliyi cəmiyyəti təhdid edən bu sosial bəlaya dövlət səviyyəsində niyə münasibət bildirmir?!

    7GUN.az olaraq əxlaqsızlıq yuvalarının aşkarlanması üçün araşdırmalarımızı davam etdirəcək, xüsusi hesabat hazırlayaraq ölkə ictimaiyyətinə və beynəlxalq təşkilatlara məlumat verəcəyik .



Xəbər lenti

Oktay Gülalıyev Yalçın İmanovu təbrik etdi

“Nəzrə almağınızı xahiş edirik”

Baş Prokurorluq Polad Aslanovun şikayətini araşdırır

Oktay Gülalıyev: "Bu “mübarizə” bumeranq təsiri yaradır…"

Beyləqanda Suvarma Sistemləri İdarəsi özəl mülkə çevrilib? – Ölü canlar, satılan qoyunlar, daha nələr…

Ombudsman aparatının nümayəndələri təcridxanada aclıq edən jurnalistlə görüşüb- AÇIQLAMA

Knut OlavAmos: “Regionda mətbuat azadlığı sahəsində vəziyyət o qədər acınacaqlıdır ki...”

Məhkəmə zalında olan Penitensiar Xidmətin əməkdaşları gözyaşardıcı qazdan istifadə etdilər -VİDEO

7 kəndin 70 dərdi: UÇMUŞ KÖRPÜ, ƏLDƏN ÇIXMIŞ TORPAQ VƏ EVLƏRƏ SOXULAN İLANLAR

Masallı Regional Meşə Təsərrüfatında Şahin Cəfərov Abturab Bağırov qanunsuluqları -(FOTOLAR)

Etirazlar zamanı bir çox jurnalistlər yaralanıblar -Gürcüstanda

Reportyor dövlətə xəyanət ittihamı ilə ömürlük həbs edilə bilər -Sərhədsiz Reportyorlar

Keçid dövründə Güc və Hakimiyyət

Cavid Şirəliyev Mətbuat Şurasına cavab verdi

Hakimiyyətin yüksək eşelonunda son dəyişikliklərin arxasında nə durur?

Cavid Şirəliyev: "Araşdırmaçı və tənqidçi jurnalistlərin bir çoxu ölkədən didərgin salınmışlar"

İlham Əliyev Vladislav Kanevskinin etimadnaməsini qəbul edib

Saatlı Rayon İcra Hakimiyyətinin başçısı vəzifəsindən azad edilib

Rəfael Mehralıyev kimdir?

Xəzər rayonunda 3 nəfər bıçaqlandı

Azərbaycanın Xarici Işlər Naziri Fransa prezidentinin müşaviri ilə görüşüb

Siyasi mühacirlər Azərbaycanda onların qohumlarına təzyiqlərin olduğunu bildirirlər Cəmiyyət

Qiyas İbrahimov ölkədən çıxarkən saxlanılıb

Təqvim

«    Avqust 2019    »
BeÇaÇCaCŞB
 1234
567891011
12131415161718
19202122232425
262728293031 

Bizi izləyin

Təsisçi və baş direktor: Cavid Şirəliyev
Baş redaktor: Vidadi Sultan
Tel/Whatsapp: (+99450) 300-17-96
E-mail: 7gun@mail.ru
Ünvan: Bakı şəhəri, Nəsimi rayonu, A.Məhərrəmov küçəsi 30/14
© 2011. Bütün hüquqları qorunur. Məlumatlardan istifadə etdikdə istinad vacibdir.
Məlumat internet səhifələrində istifadə edildikdə müvafiq keçidin qoyulması mütləqdir!