Məhkəmə jurnalisti cərimələdi : "Sifarişli qərardır"

Şrift : |
Tarix :29-11-2019, 05:24
Bölmə : Bölgə
Kömək :    
Like :
Like :

    Lerik Rayon Məhkəməsi aztoday.az saytının redaktoru Elmidar Əliyevi 2 min manat cərimələyib. 7GUN.az xəbər verir ki, bu barədə Arqument.Az-a Elmidar Əliyev məlumat verib. O bildirib ki, məhkəmə Salyan rayonun sabiq icra başçısı Tahir Kərimovun iddiası əsasında belə bir qərar verib.

    Jurnalist deyir ki, noyabrın 28-də keçirilən məhkəmə prosesi ədalətsizdir və qərar sifarişlidir: "Lerik rayon Məhkəməsinin sədri Atabəy Kiçibəyov Tahir Kərimovun iddiası ilə bağlı hazırlıq iclasını keçirmədən 1 proseslə məhkəmə iclasını başa çatdırıb. Belə ki, məhkəmənin hazırlıq iclasının 7 noyabr 2019-cü il tarixinə təyin olunması ilə bağlı mənə göndərilən məktubda iddia ərizəsinin sürəti təqdim olunmamışdı. Məhkəmə ilə əlaqə saxlayıb, iddia ərizəsinin sürətini göndərməyi tələb etdim. Lerik Rayon Məhkəməsi tərəfindən poçt vasitəsilə iddia ərizəsinin sürəti mənim qeydiyyatda olduğum ünvana noyabrın 16-da çatdırıldı və məhkəmə tərəfindən göndərilən məktubda məhkəmə iclasının noyabrın 28-nə təyin olunduğu göstərilmişdi. Dünən keçirilən məhkəmə prosesində hakim Atabəy Kiçibəyova Tahir Kərimovun iddiasına etirazımı yazılı olaraq təqdim edərək, iddia ərizəsinin əsassız olduğunu nəzərə almaqla iddianın rədd edilməsini tələb etdim. Lakin qarşı tərəfin iştirak etmədiyi prosesdə hakim 10-15 dəqiqə ərzində qərar çıxaraq, 2 min manat cərimələnməyim və aztoday.az saytında dərc olunmuş "Kərimovlar ailəsinin Londondakə sərvəti – Sabiq icra başçısı ölkə xaricinə milyonlar daşıyıb” başlıqlı məqaləsindəki məlumatların təkzib olunması ilə bağlı qətnamə çıxartdı".

    "Məhkəmə prosesində hakim Tahir Kərimovun övladlarının adına olan şirkətlərin və daşınmaz əmlaklarla bağlı məlumatların haradan götürdüyümü soruşduqda ona Birləşmiş Krallığın reyistr qurumlarının internet resurslarının adlarını bildirdim. İlkin təəssüratım o oldu ki, hakim Atabəy Kiçibəyovun ümumiyyətlə müasir informasiya vasitələrindən anlayışı yoxdur və ya əvvəlcədən iclasa hazır qərarla gəldiyi üçün sübutlarımızı nəzərə almadı”, - Elmidar Əliyev deyib.

    Jurnalist hakimdən Məhkəmə – Hüquq Şurasına şikayət edəcəyini bildirib: "Prezident İlham Əliyevin 3 aprel 2019-cü il tarixində imzaladığı "Məhkəmə-hüquq sistemində islahatların dərinləşdirilməsi haqqında” fərmandan sonra Lerik Rayon Məhkəməsinin sədrinin ildırım sürəti ilə, yəni 12 səhifəlik etirazda təqdim olunan sübutları nəzərə almadan qərar çıxarmasının səbəbini hakim Atabəy Kiçibəyovun sifarişlə hərəkət etməsi kimi izah oluna bilər. Başqa bir səbəb görə bilmirəm".

    "Hakim Atabəy Kiçibəyovla bağlı qısa bir araşdırma apardım. Məlum oldu ki, insanlar arasında Atabəy Kiçibəyovun reputasısiyası heç də müsbət deyil və xeyli insan onun qərarlarından şikayət edir. Hakimdən Məhkəmə – Hüquq Şurasına qanuni prosedurlara əməl etməməsi ilə bağlı şikayət edəcəyəm. Eyni zamanda məhkəmə qətnaməsini aldıqdan sonra apellyasiya şikayəti verəcəyəm”, - jurnalist qeyd edib.


Xəbər lenti

Saxlanılan milli fəalların ailələrinə məlumat verilmir

Vəkil Elçin Sadıqov barəsində intizam icraatına xitam verilib

Səməndər Rzayevə qarşı biganəlik - Daxmada keçirilən yubley tədbir

Qiymətlər od tutub yanır -İTV-də

Sayt rəhbəri ABŞ səfrliyində oldu

Ceyhun Nəbinin hədəfə atdığı Cümhuriyyət DAŞI, saxtakarların cümhuriyyətçi nifrəti

Ceyhun Nəbinin namizədliyi niyə qeydə alınmadı?!

“Heç kəsə imkan vermərik ki, kimisə təhdid etsin” -Vilayət Eyvazov

Oqtay Gülalıyevin hərarəti yüksəlib

Müsavat başqanı ABŞ səfiri ilə görüşdü

Canlı yayımda “intihar” edən gənc Sozcu.az-ı məhkəməyə verir

7GUN.az-da yaranmış texniki problemlər tezliklə həll olunacaq

“İndiyə qədər xalqıma, dövlətimə xidmət eləmişəm" -Peyman Sadıqov

Oqtay Gülalıyevin vəziyyəti yaxşılaşır

Daha bir Azərbaycanlı siyasi mühacir saxlanılıb

ABŞ-ın Bakıdakı səfirliyi amerikalıları ehtiyatlı olmağa çağırıb

Prezidentdən Rusiya, Suriya və İrana xəbərdarlıq

"Diffamasiya cinayət olaraq qalır və bu, onlayn sahəyə də şamil edilib" -ATƏT DTİHB-in hesabatı

Sabiq icra başçısı rayonun abadlaşdırılmasını nədən “ATF” MMC-yə həvalə edib? - KÖRPÜ UÇURAN ŞİRKƏTƏ MİLYONLUQ TENDER

Eldar Nuriyev nazir müavini təyin edildi -SƏRƏNCAM

Nazir Şəki və Oğuza getdi, amma yenə görməzdən gəldi -FOTO

Prezident Türkiyənin Ticarət nazirini qəbul etdi

Məktəblərində dəşhətli virus yayılıb: Bu xəstəlik keçicidir

Məhkəmə Cavid Şirəliyevin iddiasını təmin etdi

Ceyhun Həsənovun Çingiz Əhmədovun əməllərindən məlumatı varmı?

Təqvim

«    Yanvar 2020    »
BeÇaÇCaCŞB
 12345
6789101112
13141516171819
20212223242526
2728293031 

Bizi izləyin

Təsisçi və baş redaktor: Cavid Şirəliyev
Tel/Whatsapp: (+99450) 300-17-96 | (012) 555-65-95
E-mail: 7gun@mail.ru
Ünvan: Bakı şəhəri, Nəsimi rayonu, A.Məhərrəmov küçəsi 30/14
© 2011. Bütün hüquqları qorunur. Məlumatlardan istifadə etdikdə istinad vacibdir.
Məlumat internet səhifələrində istifadə edildikdə müvafiq keçidin qoyulması mütləqdir!
Mobil versiya