Gənc fəalın anasının ölkədən çıxışına qadağa qoyulub

Şrift : |
Tarix :1-12-2018, 07:16
Bölmə : aktual
Kömək :    
Baxılıb : 332 dəfə
Like :
Like :

    Oturum izni ilə Gürcüstanda yaşayan fəal Avtandil Məmmədovun anası Məlahət Məmmədovanın ölkədən çıxışına qadağa qoyulub.

    7GUN.az xəbər verir ki, bu haqda AzadlıqRadiosuna onun özü məlumat verib.

    M.Məmmədovanın sözlərinə görə, dünən, noyabrın 30-da Qazax rayonu ərazisindəki Qırmızı körpü sərhəd-keçid məntəqəsindən keçərək Gürcüstana səfər etmək istəyib. Ancaq Sərhəd Xidmətinin əməkdaşları onu geri qaytarıblar. Fəalın anasına bildirilib ki, Quba rayon polisinin müstəntiqinin qərarı ilə çıxışına qadağa qoyulub.

    “Oğlum Gürcüstana sığınandan bəri ildə bir-iki dəfə gedib onunla görüşürdüm. Onu da çox gördülər. Axı, mən nə etmişəm ki, ölkədən çxışıma da imkan vermirlər”, M.Məmmədova deyib.

    M.Məmmədovanın sözlərinə görə, noyabrın 30-da onun Quba rayonu Rustov kəndindəki evinə rayon polis idarəsinin əməkdaşları gəliblər.

    “Gecə yarısı Quba polisindən kəndə bizim evə gəliblər. Qapıları, pəncərələri döyüblər, qonşular evdə olmadığımı deyəndən sonra çıxıb gediblər”, – fəalın anası bildirir.

    Məlahət Məmmədovanın sözlərinə görə, sentyabr ayında onu zorla polisə aparıblar.

    “Oğluma nəsə qondarma cinayət işi açıblar, onunla bağlı suallar verirdilər. Mənim adımdan nələrsə yazdılar, imza atmağımı tələb elədilər. Latın əlifbasını oxuya da bilmirəm, nə yazdıqlarını da başa düşmədim. Zorla imzalatdırdılar”.

    M.Məmmədova bu gün, dekabrın 1-də Qoba polisindən ona bir neçə dəfə zəng edildiyini, polisə gəlməsinin tələb olunduğunu bildirib. O, davamlı təhdid olunduğunu, intihar həddinə gəldiyini qeyd edib.

    A.Məmmədovun əmisi Qeybulla Məmmədov isə AzadlıqRadiosuna bildirib ki, bu gün Quba rayon Polis İdarəsinin əməkdaşları kəndə gəliblər. Polislər əvvəlcə Məlahət Məmmədovanın evinə gediblər. Daha sonra onun kürəkənini saxlayıblar.

    “Kürəkəni kənddə çayxanada idi. Gəlib götrürüb apardılar. Heç bir izahat filan vermədilər, sənəd göstərmədilər. Avtandilin işinə görə apardıqlarını dedilər”, – Q.Məmmədov dediklərinə əlavə edib.

    Onun iddiasına görə, məmmədovlar qardaşıoğlu Avtandil Məmmədovun siyasi baxışlarına görə incidilir.

    “Avtandil burda haqqı tapdananı müdafiə edirdi. Buna görə, gözləri götürmürdü onu. Keçən il başını götürüb Gürcüstana getdi. Ordan da həqiqətləri deyir, ona görə də nəsə cinayət işi açıblar. Guya, kiminləsə iş görüb, müqavilə bağlamayıb. Elə oan görə bu boyda ailənin, qoca anasının gününü göy əsgiyə büküblər. Gah polisə aparırlar, aldadıb, o sənədə, bu sənədə imza atdırırlar”, – A.Məmmədovun əmisi deyib.

    Hələlik, Quba rayon Polis İdarəsindən deyilənlərlə bağlı münasibət öyrənmək mümkün olmayıb.

    Xatırlatma

    Avtandil Məmmədov 2008-ci ildən yerli QHT-lərdə çalışıb. O, bir müddət İşgəncələrə Qarşı Azərbaycan komitəsinin Şimal bölgəsi üzrə nümayəndəsi, daha sonra sədr müavini olub.

    Şimal bölgəsində çalışdığı dövrdə bir neçə dəfə polis tərəfindən saxlanıldığı bildirilir.

    O, 2011 ci ildən bəri Helsinki Vətəndaş Assambleyasinin Azərbaycan Milli Komitəsinin Quba-Xaçmaz rayonları üzrə təmsilçisi olub.

    Həmin vaxt baş vermiş Quba olayları zamanı polis tərəfindən saxlanılan A.Məmmədov ötən ilin əvvəlində Azərbaycanı tərk edib.

    Gürcüstana sığınan A.Məmmədov hökumətin basqılarına məruz qaldığını deyir.


Xəbər lenti

Oktay Gülalıyev Yalçın İmanovu təbrik etdi

“Nəzrə almağınızı xahiş edirik”

Baş Prokurorluq Polad Aslanovun şikayətini araşdırır

Oktay Gülalıyev: "Bu “mübarizə” bumeranq təsiri yaradır…"

Beyləqanda Suvarma Sistemləri İdarəsi özəl mülkə çevrilib? – Ölü canlar, satılan qoyunlar, daha nələr…

Ombudsman aparatının nümayəndələri təcridxanada aclıq edən jurnalistlə görüşüb- AÇIQLAMA

Knut OlavAmos: “Regionda mətbuat azadlığı sahəsində vəziyyət o qədər acınacaqlıdır ki...”

Məhkəmə zalında olan Penitensiar Xidmətin əməkdaşları gözyaşardıcı qazdan istifadə etdilər -VİDEO

7 kəndin 70 dərdi: UÇMUŞ KÖRPÜ, ƏLDƏN ÇIXMIŞ TORPAQ VƏ EVLƏRƏ SOXULAN İLANLAR

Masallı Regional Meşə Təsərrüfatında Şahin Cəfərov Abturab Bağırov qanunsuluqları -(FOTOLAR)

Etirazlar zamanı bir çox jurnalistlər yaralanıblar -Gürcüstanda

Reportyor dövlətə xəyanət ittihamı ilə ömürlük həbs edilə bilər -Sərhədsiz Reportyorlar

Keçid dövründə Güc və Hakimiyyət

Cavid Şirəliyev Mətbuat Şurasına cavab verdi

Hakimiyyətin yüksək eşelonunda son dəyişikliklərin arxasında nə durur?

Cavid Şirəliyev: "Araşdırmaçı və tənqidçi jurnalistlərin bir çoxu ölkədən didərgin salınmışlar"

İlham Əliyev Vladislav Kanevskinin etimadnaməsini qəbul edib

Saatlı Rayon İcra Hakimiyyətinin başçısı vəzifəsindən azad edilib

Rəfael Mehralıyev kimdir?

Xəzər rayonunda 3 nəfər bıçaqlandı

Azərbaycanın Xarici Işlər Naziri Fransa prezidentinin müşaviri ilə görüşüb

Siyasi mühacirlər Azərbaycanda onların qohumlarına təzyiqlərin olduğunu bildirirlər Cəmiyyət

Qiyas İbrahimov ölkədən çıxarkən saxlanılıb

Təqvim

«    Avqust 2019    »
BeÇaÇCaCŞB
 1234
567891011
12131415161718
19202122232425
262728293031 

Bizi izləyin

Təsisçi və baş direktor: Cavid Şirəliyev
Baş redaktor: Vidadi Sultan
Tel/Whatsapp: (+99450) 300-17-96
E-mail: 7gun@mail.ru
Ünvan: Bakı şəhəri, Nəsimi rayonu, A.Məhərrəmov küçəsi 30/14
© 2011. Bütün hüquqları qorunur. Məlumatlardan istifadə etdikdə istinad vacibdir.
Məlumat internet səhifələrində istifadə edildikdə müvafiq keçidin qoyulması mütləqdir!